نشر اليوتيوبر مينا فايق المعروف باسم مينا موحد القطرين مبادرة لاستغلال المخلفات البلاستيكية في البيوت المصرية وتشجيع المواطن المصري علي فصل القمامة وبيع المخلفات البلاستيكية.
وكان “مينا” قد نشر علي مواقع التواصل: بالتزامن مع قمة المناخ في مصر #cop27egypt : ” كنت بادئ من حوالي 6 شهور فكرة عجبتني ومستمر فيها وهي اننا نفصل مخلفاتنا ونكسب منها مادياً ويبقي استفدنا وفيدنا البيئة”.
وتابع “مينا”: بدأت بالذات مع البلاستيك وحضرت شنطة في البلكونة وبقيت اجمع فيها مخلفات البلاستيك زي ازايز الحاجه الساقعة وعلب الزبادي والايس كريم والشاور جيل، وبحثت كمان على شركات وابلكيشنز بتيجي تاخد منك المخلفات البلاستيك دي مقابل نقاط أو منتجات أو فلوس.
واختتم “مينا”: حابب ادعو كل اصحابي واصحابكم انهم يعملوا كده وتساعدوا البيئة على اعاده تدوير المخلفات وفصلها وتكسبوا فلوس من القمامة.. اتمنى تنتشر الفكرة في كل بيت مصري.
